Бәзән фикирләширәм ҝөрәсән Исламы арадан апармаг хүлјасында оланлар, бу сәмави вә мүгәддәс динин ајинләрини милләтә гадаған етмәклә бу бош севдаја чатаҹагларынымы дүшүнүрләр. Әлбәттә бу мүмкүн олан бир шеј дә дејил. Әксинә бу гадағалар бир аз да Ислама дирчәлиш верәҹәк. Биз бу факты јахын вә узаг кечмишдә мүшаһидә едә биләрик. Бир заманлар бир чох республикалары ҹәнҝинә алан ССР-и режми инди исә тарихин зибилликләриндә итиб батмагдадыр. Бир заманлар Кремил бу режимин гәрарҝаһы иди. Онлар ҹәнҝинә алдығы бүтүн өлкәләрдә “Аллаһ” адыны белә гадаған етмәләринә бахмајараг, бу ҝүн пајтахт Москванын мејданларында Имам Һүсејн (ә)-а азадарлыг мәрасими кечирилир. Бунун өзү Исламын әзәмәтинә бир сүбутудур. Бәс ҝөрәсән тарихдән ибрәт алмајан бизим бу дөвләт мәмурлары нәјә наил олмаг истәјирләр. Мәҝәр “биз өләрик әлдән һиҹаб вермәрик” шүары онларын гулагларына һәлә дә чатмајыбмы? Артыг дөвләт мәмурлары анламалыдырлар ки, “дүнјәвичилик” вә “муасирлик” ады алтында атылан анти-Ислам аддымлары һеч дә дөвләтин хејринә гуртармајаҹаг.

Инсаны белә бир суал дүшүндүрүр ки, бәс ҝөрәсән бу иддианы ирәли сүрәнләр доғруданмы Азәрбајҹанын ҝәләҹәјини дүшүнәрәк бу аддымы атыблар? Азан гадағасы, мәсҹидләрин сөкүлмәси, дини тәблиғин гаршысынын алынмасы, дин фәалларыныны ифтира вә бөһтанла ганунсуз олараг тутулмасы буну ҝөстәрир ки, әсас нијјәт дөвләтин инкишафы јох Исламын һәдәфә алынмасыдыр ки, бу дәфә дә һиҹаб гадағасы илә өзүнү бирузә верди.

Бу ҝүн Азәрбајҹанда ҝүнбә-ҝүн артан әхлагсызлығын гаршысы алынмаг әвәзинә, әхлаг вә әхлаглылара гаршы мүбаризә апарылыр. Адыны да гојурлар ки, мәктәбли ҝејими тәтбиг олунур. Ҝаһ да дејирләр аз јашлы ушаглар мүәллимдән горхур, ҝаһ дејирләр ки, һиҹаб бизи кечмишә гајтарыр вә .с. Бу кими ҝүлүнҹ вә мәнтигсиз сөзләр.

Ҝөрәсән һәгигәтән дә һиҹаб бизи кечмишәми гајтарыр?! Фәрз едәк ки, муасирлик ҝејимлә өлчүлүр. әҝәр биз муасирлији ҝејимлә өлчсәк, һиҹаб бизи 1400 ил өнҹәјә гајтарырса, о заман јары чылпаг ҝејим бизи лап ерамыздан әввәл олан даш девринә апарыр. Неҹә ки, гәдим дүнја тарихинә аид китабларда јазылыр ки, гәдимдә инсанлар чылпаг вә ја јары чылпаг шәкилдә олублар. Биз әҝәр о инсанларын ҝејим формаларына вә тарих китабларындакы шәкилләринә бахсаг ҝөрәрик ки, јарычылпаг мәдәнијјәт даһа көһнәдир.

-Инсанын әгл вә тәфәккүрү инкишаф едир вә ҹамаат абр вә һәјаја, ајиб јерләрини өртмәјә даһа чох диггәт јетирирләр. Амма бәзиләри һәлә дә, сојунмаг вә сојундурмаг севдасындан әл чәкмирләр.

Бәс ҝөрәсән бунларын тәфәккүрүнә ујғун олараг ханым мүәллимләр вә ја 16-17 јашында гызлар јарычылпаг бир ҝејим формасында дәрсә ҝәләрсә, елм оҹагларында әхлагсызлығ јајылмајаҹагмы? Һәрчәнд ки, бу ҝүн дә тәһсил системиндә шаҝирд вә тәләбәләр арасында әхлаг сәвијәси үрәк ачан дејил.

Мәҝәр “һиҹаб” емо вә соталист әгидәси дашыјыҹыларынын ејбәҹәр вә горхунҹ ҝејиминдән тәһлүкәлими олду? Һалбуки, һиҹаб һәтта намаз гылмајан ханымлар арасында ҝөзәл ҝөрсәнмәк үчүн дәб һалыны алыб. Бәзән дә бәзи дырнаг арасы мүтәфәккирләр иддиа едирләр ки, түрк ханымынын һиҹабы олмајыб. Һалбуки һиҹаб Исламда һәр бир ханыма ваҹиб олмагла јанашы һәм дә милли ҝејимләримиз сырасына дахилдир. Биз бу факты милли ҝејим тәсфирләриндә вә нүмунәләриндә, гәдим Азәрбајҹан филмләриндә, мүшаһидә едә биләрик. Ҝөрәсән һиҹаб олмајан бир өлкәдә “Азад гадын” һејкәли нәјә лазымдыр ахы? Тәкҹә “чадралы гыз” халг маһнысы буна әјани бир субутдур.

Һәтта бу дәлилләр олмаса белә, бизим мүсәлман халг олмағымыз вә ән азындан һиҹаб гадағасынын үмумијјәтлә олмамасына бәс едәр. Әҝәр һәгигәтән дә һиҹаб бизи кечмишә гајтарырса вә ја мүасирлијимизи әлимиздән алырса бәс ҝөрәсән нијә Алманија, Түркијә, Франса, Данимарка вә башга бу кими инкишаф етмиш өлкәләрдә бу проблем һәлл олунур вә ја бир чох инкишаф етмиш өлкәләрдә үмумијјәтлә бу проблем мөвҹуд дејил. Јохса Мисир бәј Азәрбајҹаны бу өлкәләрдән инкишаф етмиш вә ја муасир һесаб едир? Һалбуки Азәрбајҹан тәһсил системинин һәр тәрәфли шәкилдә нә гәдәр ҝеридә галдығы бүтүн дүнјаја мәлумдур.

-Тәсадүфи дејил ки, игтисади әмәкдашлыг вә инкишаф тәшкилаты (ОЕҸД) орта тәһсилин гијмәтләндирилмәси үзрә арашдырмаларын нәтиҹәләрини ачыглајаркән Азәрбајҹанда орта тәһсилин сәвијјәсини 65 өлкә арасында 64-ҹү јерлә гијмәтләндириб.

Ҝөрәсән Мисир мүәллими нијә бу проблемләрин һәлли јолларыны арашдырмаг әвәзинә “һиҹаб бизи кечмишә гајтарыр” шуары ады алтында залым сионистлә әл-әлә вериб Исламы арадан апармаға чалышырлар.

Диггәт етсәк ҝөрәрик ки, техналоҝијанын инкишафында лидерләрдән олан Јапонија һәлә дә әсрләрлә тарихи олан милли ҝејимләриндән истифадә едирләр

Беләҹә бәлли олур ки, мүасирлик бизим Мисир бәјин дилиндәдир. Һәгигәтдә исә Мисир бәј вә онун тәфәккүрүндә олан “дырнаг арасы” зијалыларын Исламдан бир шеј анламадыглары кими, муасирлијин дә нә олдуғуну анламырлар. Ән аҹынаҹаглысы да будур ки, бизим дөвләт ганунларыны беләләри тәтбиг едир. Бу јерсиз ганунлар исә Азәрбајҹанын ҝәләҹәјини суал алтына алыр.

Әсас дини Ислам, бајрағындакы јашыл рәнҝи исламчылығы билдирән, халгы мүсәлман олан, Азәрбајҹан президенти һәҹҹә ҝедән вә президент күрсүсүнә әјләшмәздән өнҹә Гурана әл басараг әдаләтли олаҹағына анд ичән өлкәдә һиҹаб гадағасы, мәсҹидләри учурулмасы, диндарларын гејри гануни һәбси вә с. Анти Ислам аддымлар һансы әдаләтә вә мәнтигә ујғундур?!

Әкрәм Һаҹызадә

Диггәт: Хәбәрдән истифадә етдикдә мәнбәјә истинад лазымдыр