Әһли Бејт -АБНА- хәбәр аҝентлијинин вердији хәбәрә әсасән Милли Мәҹлисин бу ҝүн кечирилән јаз сессијасынын пленар иҹласында депутатлар Авропада Азәрбајҹан әлејһинә дәрҹ олунан гејри-објектив јазылара, сон вахтлар артан тәзјигләрә мүнасибәт билдириб, бунун сәбәбини ачмаға чалышыблар.

Депутат Заһид Оруҹ билдириб ки, сон вахтлар Авропадан Азәрбајҹана гаршы артан тәзјигләрин мәгсәди Азәрбајҹаны антиИран коалисијасына гошулмасын чалышмагдыр. З.Оруҹ дејиб ки, Авропа ејни заманда Азәрбајҹан әразисиндә ашкар олунан јени газ јатагларыны өз инһисарына алмаг үчүн дә бу тәзјигләри артырыб.

Милләт вәкилинин сөзләринә ҝөрә, Азәрбајҹан Республикасынын мүстәгил сијасәт јүрүтмәси дә бу тәзјигләрин сәбәбләриндәндир.

З.Оpуҹ инсан һүгугларынын позулмасы илә бағлы “Еуровисион-2012”нин бојкот чағырышы мәсәләсинин әслиндә ҝерчәклији әкс ердирмәдијини вурғулајыб.

Депутат Шушанын Азәрбајҹанын икинҹи пајтахты елан олунмасыны да тәклиф едиб:

“Биз бејнәлхалг реаллыглары билмәли вә гијмәтләндирмәлијик. Азәрбајҹанын Әфганыстан, Зимбабве јеринә гојулмасына чох аҹыјырам. Өлкә дахилиндә дә бәзи гүввәләр бунунла нәјәсә наил олаҹағына үмид едир. Бәзиләри истәјирләр ки, Азәрбајҹан антиИран блокуна гошулсун, антиРусија мөвгејиндән чыхыш етсин. Мәгсәд кәшф едилән газ јатаглары илә бағлы Гәрбин марагларына ујғун мүгавиләләрин имзаланмасына наил олмагдыр. Азәрбајҹанын мүһарибә апармаг үчүн 45 милјард доллары вар. Азәрбајҹанын әлиндән бу шансы алмаг истәјирләр. Һакимијјәтә ҝәлмәк барәдә дүшүнән бәзи шәхсләр баша дүшмәлидир ки, халг мәғлуб оланда онлар да мәғлуб олаҹаглар. Шуша дәрдини дә милли сәвијјәдә чәкмәлијик”.

Диггәт: Хәбәрдән истифадә етдикдә мәнбәјә истинад лазымдыр