Јенилмәз вә гүдрәтли Аллаһын ады илә!

Сон ҝүнләр Азәрбајҹан игтидары тәрәфиндән мүсәлман халгымызын башына ҝәтирилән мүсибәтләрдән бириндән Губанын мүбариз вә гејрәтли әһалисинин гијамы васитәсилә хәбәр тутдуг. Голчомаг үсул-идарәси тәтбиг олунан өлкәдә бундан башга нәтиҹә ҝөзләмәк олмазды. Аллаһ шаһиддир ки, бу вәзијјәт башга рајонларда Губадан мин дәфә аҹынаҹаглы һалдадыр. Нүмунә үчүн Ҝәнҹә иҹра башчысы Елмар Вәлијевин ајаггабы илә мәсҹидә јәни, Аллаһ евинә ҝириб орда "Аллаһы ахтармасы" бүтөв мүсәлман халгымыза вә онун мүгәддәсликләринә бөјүк һәгарәтдир.

Аллаһ-Таала, дүнјанын һарасында олмасындан асылы олмајараг, Ислам динини, мүгәддәс Гураны вә онун атирбутларыны горујан мүсәлман халга һәмишә дајаг олар вә онларын һагг мүбаризәсиндә аддымларыны мөһкәмләдәр. Гуранда охујуг: "Еј иман ҝәтирәнләр! Әҝәр сиз Аллаһа (Аллаһын дининә) јардым ҝөстәрсәниз (иманыныз мөһкәм олса), О да сизә јардым ҝөстәрәр вә сизи сабитгәдәм (һагг мүбаризәниздә мөһкәм, гүввәтли) едәр." (Мәһәммәд сурәси, 7) Бу мәгама чатмағын јеҝанә јолу Аллаһын ҝөндәрдији, дүнја вә ахирәтдә хошбәхтлик вә сәадәт ҝәтирән Ислам вә Гурана иман вә мәһәббәтин мөһкәмләнмәсидир.

Аллаһ-Таала фитнә-фәсад вә мәнәвијјатсызлыға гаршы чыхыб, мүстәгил, иман, шәрәф вә гејрәтлә јашајан мүсәлман халга гејби көмәкләрини әсирҝәмәз. Гуранда охујруг: "Шүбһәсиз: "Рәббимиз Аллаһдыр!" - дејән, сонра да (иманында) дүз )вә иманда мөһкәм олан кәсләрә мәләкләр назил олуб (белә дејәҹәкләр): "Горхмајын вә кәдәрләнмәјин! Сизә вәд олунан Ҹәннәтлә севинин!" (Фуссиләт сурәси, 30)

Һиҹаб вә Һиҹаб Гадағасы Мәһбусларыны Мүдафиә Комитәси һәлә дә мүсәлман халгымызын милли сәрвәтләрини мәнимсәјән, она зүлмлә мәшғул олан һазыркы игтидарын диггәтинә бир нечә мүһүм тәләби чатдырыр:

Биринҹи: Мәсҹидләрин сөкүлмәси вә азан сәсинин гадаған олунмасы илә башланан, гејрәтли дин хадимләринин, азадлыгсевәр ҝәнҹләримизин шәрләнәрәк һәбс олунмасы илә давам едән репрессијалара тәҹили олараг сон гојулсун вә сијаси мәһбус сајылан бүтүн һиҹаб мәһбуслары, ҝәнҹләр, дин хадимләри, азадлыгсевәрләр зинданлардан азад олунсун;

Икинҹи: Өлкәдә башламыш һаглы наразылыглара ҹаваб әвәзинә мүсәлман халгын башына мин бир ојун ачан өзбашына мәмурлар, иҹра башчылары вә рүшвәтхорлар ҹидди ҹәзаландырылсын вә мүсәлман халгдан бу зүлмә ҝөрә өлкә башчысы бирбаша үзр истәсин;

Үчүнҹү: Өлкәдә мүсәлман халг олараг шәфәр вә ләјагәтинин мүдафиәсинә галхмыш вәтәндашларын тәләбләри, о ҹүмләдән, дин маарифләндирмә, сөз азадлығы, азад топланмаг кими һаглар тәмин олунсун! Ислама гаршы баш алмыш исламофобија, һиҹабофобија, дин хадимләринә вә инанҹлылара гаршы репрессијалара сон гојулсун, тәһсил оҹагларында баш өртүјүнүн там азад олмасы рәсмиләшдирилсин вә бу саһәдә бүтүн манеәләр арадан галдырылсын! О ҹүмләдән, паспорт вә вәсигәләрдә баш өртүјү гадағасы ләғв олунсун, диндарларын азад фәалијјәтинә гарша бүтүн гондарма гадағалар ләғв олунсун!

Һиҹаб вә Һиҹаб Гадағасы Мәһбусларыны Мүдафиә Комитәси Губа шәһәринин мүсәлман, гејрәтли вә шәрәфли әһалисинә там дәстәк верир. Бүтүн мүсәлман халгымыздан бу шәһәрин әһалисинә зүлмә гаршы мүбаризәдә дәстәк олмаларыны хаһиш едирик!

"Еј Рәббимиз, бизә боллу сәбир вә (мүбаризәдә) аддымларымыза гүввәт вер! Бизә динсизләр (әгидәсизләр) үзәриндә гәләбә газандыр!" (Бәгәрә сурәси, 250)

Мүдафиә Комитәсинин мәтбуат хидмәти

2012-03-06

Диггәт: Хәбәрдән истифадә етдикдә мәнбәјә истинад лазымдыр