Әһли Бејт -АБНА- хәбәр аҝентлијинин вердији хәбәрә әсасән Исвечрә Иран Ислам Республикасынын Шәрги Азәрбајҹан әјаләтинә сәрмајә гојмаг нијјәтиндәдир.

1 милјон доллар һәҹминдә сәрмајә 100 МВТ ҝүҹү олан күләк електростансијасынын тикинтисинә ајрылаҹаг. Исвечрәнин “Мистрал” сәрмајә ширкәти лајиһә уғурла һәјата кечәҹәји тәгдирдә Ислам Республикасына јени сәрмајәдарларын ҹәлб олунмасы һаггында елан едәҹәк.

Шәрги Азәрбајҹанын ҝенерал-губернатору Әһмәд Әли Реза Бејги бәјан едиб ки, мүвафиг лајиһәнин реаллашмасы икитәрәфли әлагәләрин инкишафына зәмин јарадаҹаг вә ҝәләҹәкдәки гаршылыглы әмәкдашлыг үчүн илк шәрт олаҹаг.

Губернаторун сөзләринә ҝөрә, Иран-Исвечрә әмәкдашлығы Ислам Республикасына гаршы Гәрбин һәјата кечирдији тәблиғатын јалан олдуғуну нүмајиш етдирәҹәк.

Диггәт: Хәбәрдән истифадә етдикдә мәнбәјә истинад лазымдыр