Әһли Бејт -АБНА- хәбәр аҝентлијинин вердији хәбәрә әсасән бу ҝүн Москвада Русија Мүфтиләр Шурасынын Сәдри шејх Равил Гајнутдинин сәдрлији тарихи һадисә баш тутуб: Илк дәфә мүсәлман гадынларын “Мүсәлман гадыны ХХI әсрдә: онун ҹәмијјәтдәки ролу” адлы Үмумрусија Гурултајы кечирилир.

Мүсәлман гадынларын мәнәви камиллијә ҹан атмасы вә фәал һәјат мөвгејини мүдафиә етмәси ХХI әсрдә актуал олараг галыр. Бура мүасир ҹәмијјәтдә гадынын ролунун мүәјјәнләшдирилмәси, иҹтимаи һәјатын мүхтәлиф саһәләриндә гадынларын фәаллашмасы јолларынын тәјин едилмәси, о ҹүмләдән, ҹәмијјәтин мәнәви дәјәрләринин мөһкәмләндирилмәси дахилдир.

Конгресин әсас мәгсәди “Үмумрусија Мүсәлман Гадынлар Бирлији” Иҹтимаи Тәшкилатынын јарадылмасыдыр.

Гурултаја Русија, МДБ өлкәләри, Күвејт, Алманија, Түркијә, Иран Ислам Республикасынын гадын тәшкилатларынын лидерләри, алимләр, һөкумәт вә иҹтимаијјәт нүмајәндәләри дәвәт олунублар.

Билдирәк ки, тәхминән 100 ил әввәл, 1917-ҹи илдә Москвада Русија Мүсәлман Гадынларынын I Гурултајы кечирилиб.

Диггәт: Хәбәрдән истифадә етдикдә мәнбәјә истинад лазымдыр