Әһли Бејт -АБНА- хәбәр аҝентлијинин вердији хәбәрә әсасән Азәрбајҹанда баш вермиш гудузлуға Әли Кәримли мәнтигли ҹаваб верди.

АХҸП сәдри Әли Кәримли Иҹтимаи Палатанын (ИП) Координасија Шурасынын (КШ) јерли вә хариҹи журналистләр үчүн кечирдији мәтбуат конфрансында дејиб: “ИИР-да милјонларла азәрбајҹанлынын дини лидер кими гәбул етдији дин хадиминин бурда бу шәкилдә тәнгид вә тәһгир олунмасы милли марагларымыза зиддир вә дүзҝүн дејил”.

О билдириб ки, Иран Ислам Республикасы илә Азәрбајҹан арасында әлагәләрин ҝәрҝинләшмәси ону нараһат едир: “Азәрбајҹанла Иран арасында објектив проблемләр вар. Унутмаг лазым дејил ки, Иран әһалисинин бөјүк һиссәси, 40 фаиздән чоху түркләрдир. Буну ИИР рәсмиләри өзләри бәјан едиб”.

Ә. Кәримли Хәзәрин дибинин бөлүнмәси мәсәләсиндә дә наразылыглар олдуғуну дејиб: “Иҹтимаи Палата Азәрбајҹанын ҝәләҹәјини авропа аиләсиндә ҝөрсә дә, ИИР вә Русија илә дә әлагәләримизин нормал олмасыны истәјирик”.

Ә. Кәримли сон вахтлар мүнасибәтләрин сүни шәкилдә ҝәрҝинләшдирилмәси ҹәһдләринин артдығыны вурғулајыб: “Мүнасибәтләрин ҝәрҝинләшмәси һеч бир өлкәнин хејринә дејил. Шәхси мәсәләләрлә бағлы ики өлкә арасында ҝәрҝинлик јарадылмасы да дүзҝүн дејил”.

Диггәт: Хәбәрдән истифадә етдикдә мәнбәјә истинад лазымдыр