Әһли Бејт -АБНА- хәбәр аҝентлијинин вердији хәбәрә әсасән Ҝәнҹәдә илк һиҹаб шәһиди Һаҹы Вагиф Абдуллајевин аным мәрасими кечирилмишдир.

Ҝәнҹә  мөминләринин  вердији мәлумата ҝөрә, мәҹлисдә 80 нәфәрә јахын руһани, мөмин, садә инсан вә Исламчы иштирак етмишдир.

Һүзн мәрасиминдә һәмчинин һазырда мәһбус һәјатыны јашајан илаһијјатчы Һаҹы Фәхринин, Азәр Ҹәбијевин, Илһам Әләкбәровун вә диҝәр мәһбусларын јахынлары, доғмалары иштирак етмишләр.

Мәҹлис иштиракчылары Һаҹы Вагиф Абдуллајевин илк һиҹаб шәһиди кими һамыја өрнәк олмасыны дилә ҝәтирмиш, шәһидлик зирвәсинин дәјәриндән мараглы сөһбәтләр апаран руһаниләри диггәтлә динләмишләр.

Онлар В. Абдуллајевин кечдији һәјат јолу, дини дәјәрләримизин горунмасында чәкинмәдән апардығы мүбаризәдән, өлүмүн уҹа зирвәсини фәтһиндән, һабелә мәзлуманә өлүмүндән данышмышлар.

Мәрасим иштиракчылары сонда шәһид Һаҹы Вагифин руһуна гуран тапшырмыш вә дуалар охумушлар.

Мәҹлисә ҝәләнләр ифтар сүфрәсинин дә гонағы олмушлар.

Диггәт: Хәбәрдән истифадә етдикдә мәнбәјә истинад лазымдыр