Bw Francois Hollande amechaguliwa kuwa rais wa Ufaransa
baada ya kumshinda mpinzani wake ambaye ni rais wa sasa Bw Nicolas Sarkozy,
katika duru ya pili ya upigaji kura ya uchaguzi mkuu iliyofanyika siku ya Jumapili. Kwa
mujibu wa matokeo ya awali yaliyotangazwa na wizara ya mambo ya ndani ya
Ufaransa, Bw Hollande mgombea kutoka chama cha mrengo wa kushoto amepata
asilimia 51.24 ya kura huku Bw Sarkozy wa chama cha mrengo wa kulia akipata
asilimia 48.76 ya kura. Ushindi wa Bw Hollande umemaliza hali ya watu wa mrengo
wa kulia kuhodhi nafasi ya urais katika miaka 17 iliyopita.