Үчүнҹү тәһлүкә исә, Ислами ҹамиәни үмумијјәтлә марҝиналлашдырмагла бағлыдыр. Бу ҝүн мүсәлман топлумуну, инанҹлы кәсими ҹәмијјәтдән араламаг, ајрыҹы бир груп кими ҝөстәрмәк ҹәһдләри едилир. Унутмаг олмаз ки, бу халгын хәмири Әһли-бејтә (ә) мәһәббәт илә јоғрулуб, бу мәмләкәт әсрләр боју мүсәлман мәмләкәти олуб. Мүсәлманлар һәр һансы бир конфессијаја аид дејилләр ки, онлары бу топлумдан ајырмаг мүмкүн олсун. Бу халг әсрләр боју өз дининә саһиб чыхыб вә ҝетдикҹә даһа да чох саһиб чыхыр.